golly&bossy

Draghi Nashi,
Iako jako volimo životinje i ki mala smo žarko htili bit veterinarka, sviđa nan se činjenica da smo na vrhu hranidbenog lanca. Volimo pojesti, a ne biti pojedeni.
Sve nan je to prošlo kroz glavu kad smo na peškariji kupili morskega pasa.
Morskega pasa smo većinom jili friganega, ali nama je friganje tlaka, a i usmrdimo kuću pa smo se odlučili za poparu. Zato smo vazeli i šaku škampi, za boji šug.
Prvi korak popare je parićat sve navrime. Jer se sve u teću stavlje u kratken razmaku.
Dakle, prvo smo šufigali kapulu.



Onda smo na temu kratko pofrigali pasa i luk, a kad je pas ćapa boju s obe strane dodali smo i škampe.



Ulili smo i malo čarskega Pošipa, kojega smo i ispijali za obidon.



Kad je pošip malo ispari dodali smo pelate (nismo imali domaćega pamidora), petrusimen i kompire.



Odma ulili malo vode da pokrije kompire, ostavili da vre na laganoj vatri. Gotovo je kad je gotov kompir.



Priznajemo da bi grdobina bila boja, ali dobar je i pas.

Vashi siti&napojeni

P.S. Stili smo post u kategoriju Zdravlje jer je ova popara od pasa i škampi zdrava hrana.
P.S.S. Svojevremeno smo se počastili i lešadom (klik) i ježinama (klik).